ရန်ကုန်အပူရှိန်မြင့်မားနေမှုကြောင့် YBS တပတ်ရစ်ကား အစီးရေ ၃ဝဝဝ ကျော် အဲကွန်းမနိုင်တော့ဟုဆို

ယခုလပိုင်း ရန်ကုန်မြို့၏အပူရှိန်မြင့်မားနေမှုကြောင့် YBS တပတ်ရစ်ကားအစီးရေ ၃ဝဝဝ ကျော်သည် အဲကွန်းများမနိုင်တော့ကြောင်း Power Eleven ကုမ္ပဏီ၏အုပ်ချုပ်မှုဒါရိုက်တာ ဦးသက်တင်ဝင်းက ပြောသည်။ရန်ကုန်မြို့တွင် ပြေးဆွဲနေသည့် YBS အစီးရေ ၆ဝဝဝ ကျော်အနက် အစီး ရေ ၂၈ဝဝ မှာ ကားသစ်များဖြစ်ပြီး Foton ကုမ္ပဏီ၊ Yutone ကုမ္ပဏီ၊ Ankai ကုမ္ပဏီထုတ်ကားများဖြစ်ကြောင်း ကျန်သည့်ကားအစီးရေ ၃၂ဝဝ ခန့်မှာ ကိုရီးယားနိုင်ငံထုတ် တပတ်ရစ်ကား (Used Car) များဖြစ်ပြီး ရန်ကုန်အပူရှိန်ကြောင့် အဲကွန်းမနိုင်တော့ကြောင်း ၎င်းက ပြောသည်။

” Used ကားဆိုတာက သူများတိုင်းပြည်မှာ ၁ဝ နှစ်လောက်သုံးပြီးတာပေါ့။ Brand New ကားတွေ ထုတ်ခါနီး တုန်းက ရန်ကုန်ကိုလာပြီးတော့ ကုမ္ပဏီတွေက လေ့လာသွားတယ်။ ဒီတိုင်းပြည်ရဲ့အပူချိန်ကိုလေ့လာသွား တော့ အဲဒါကိုနိုင်တဲ့ အဲကွန်းကိုနိုင်တဲ့ capacity နဲ့ ထုတ်ထားတာ။ ကျွန်တော်တို့ လက်ရှိသုံးနေတဲ့ Used ကားတွေအများစုက ကိုရီးယားကားတွေ၊ ကိုရီးယားက သူ့နိုင်ငံမှာက ဒီမှာလောက်မပူဘူး။ သူက အဲကွန်း capacity နည်းတယ်။ နည်းတော့ရန်ကုန်မှာက ရာသီဥတု ၁၂ လမှာ နွေ၊ မိုး၊ ဆောင်း၊ မိုးတွင်းပိုင်းနဲ့ ဆောင်းတွင်းပိုင်းတွေမှာ ဒီကားတွေကပြဿနာမရှိဘူး။ ဒီဘက်ရောက်လာလို့ရှိရင် အထူးသဖြင့် ၃ လပိုင်း၊ ၄ လပိုင်း၊ ၅ လပိုင်း သုံးလ၊ ပိုပြီးတော့အပူချိန်တက်လာတာ ၄ လပိုင်း၊ ၅ လပိုင်းပေါ့။ အဲဒီအချိန်မှာ အပူရှိန်များ တော့ Used ကားတွေက အဲကွန်းမနိုင်တော့ဘူး”ဟု ဦးသက်တင်ဝင်းက ပြောသည်။

ယခုနှစ်တွင် ဧပြီလသင်္ကြန်ကာလမှစတင်၍ ရန်ကုန်မြို့၏ အပူချိန်မှာ ၄ဝ ဒီဂရီစင်တီဂရိတ်အထိ သိသိသာသာမြင့်တက်ခဲ့ရာ ကျန်းမာရေးနှင့် အားကစားဝန်ကြီးဌာနမှ အပူဒဏ်အန္တရာယ်ကာကွယ် ရေးနှိုးဆော်ချက်အပူဒဏ်ကြောင့် ကျန်းမာရေးပြဿနာများဆိုင်ရာ နှိုးဆော်ချက်များ၊ ခရမ်းလွန်ရောင်ခြည် အထူးသတိပေးချက်များ ထုတ်ပြန်ထားသည်။ ယင်းသို့ အပူရှိန်မြင့်မားနေချိန်တွင် ရန်ကုန်မြို့တွင် ပြေးဆွဲ နေသော YBS အချို့တွင် အဲကွန်းများဖွင့်မပေးသည့်အတွက် ခရီးသည်များ၏ဝေဖန်မှုအချို့လည်း ထွက်ပေါ်ခဲ့သည်။

YBS အချို့မှာ အဲကွန်းဖွင့်မပေးခြင်းမဟုတ်ဘဲ အပူရှိန်ကိုမနိုင်တော့သည့် အတွက် အဲကွန်းများ ပိတ်ထားရခြင်း ဖြစ်ကြောင်း ဦးသက်တင်ဝင်းက ပြောသည်။”အမှန်က ဖွင့်တယ်။ မနိုင်တော့ဘူး။ မနိုင်တော့ မွန်းကြပ်လာတော့ ခရီးသည်က တံခါးဖွင့်စီးတယ်။ တံခါးဖွင့်ပြီ ဆိုရင် အဲကွန်းကဖွင့်လို့မရတော့ဘူး။ အဲ့တော့ အဲကွန်းပိတ်ပြီးမောင်းရတဲ့အဖြစ်ကို ရောက်သွားတာ။ မဖွင့်ချင် တာမဟုတ်ဘူး။ မနိုင်တော့တာပေါ့။ အဲကွန်းမနိုင်ရင် ပူလောင်ပိတ်နေတာ ပိုဆိုးတယ်။ အဲဒီကျရင် အဲကွန်းပိတ် ပစ်လိုက်ရတယ်။ တခါးတွေဖွင့်မှပဲ အသက်ရှူချောင်တော့တယ်။ အဲကွန်းမနိုင်ဘဲနဲ့ အလုံပိတ်နေလို့ရှိရင် ခရီးသည်တွေကြာရင် မူးလဲသွားနိုင်တယ်” ဟု ၎င်းက ရှင်းပြသည်။

ယခင်က YBS ကားများတွင် အပူဒဏ်သက်သာစေရေးနှင့် အဲကွန်းနိုင်နင်းစွာ ဖွင့်လှစ်ပေးနိုင်ရေးအတွက် နေကာ၊ စတစ်ကာများ၊ လိုက်ကာများတပ်ဆင်ခဲ့ရာ ပြီးခဲ့သည့်နှစ် မေလပိုင်းတွင် YRTA မှ တာဝန်ရှိသူတဦးက ဥပဒေအရ၊ မူအရ ခွင့်မပြုဟုဆိုကာ ပြန်လည်ဖြုတ်သိမ်းစေခဲ့ကြောင်း၊ ယင်းသို့ပြန်လည်တပ်ဆင်ခြင်း ပြုရန်အစည်းအဝေးများတွင်တင်ပြခဲ့သော်လည်း အောင်မြင်မှုမရခဲ့ကြောင်း ၎င်းက ဆက်ပြောသည်။ယင်းအတွက်ကြောင် ယာဉ်လိုင်းအားလုံးကို ကားသစ်များအစားမထိုးနိုင်သေးမီ ခရီးသွားများ၏ လိုအပ်ချက်အရ နေကာ၊ စတစ်ကာများ၊ လိုက်ကာများတပ် ဆင်မှုများကို လိုက်လျောညီထွေစွာ ဖြေ လျှော့ပေးသင့်ကြောင်း၊ ယင်းသို့မဟုတ်ပါဘဲ လိုက်လျောညီထွေမရှိသည့်မူများကို ကိုင်စွဲထားမည်ဆိုပါက အခက်အခဲများ ဆက်လက်ရင်ဆိုင်နေရဦးမည်ဖြစ်ကြောင်း ယာဉ်ပိုင်ရှင်များက သုံးသပ်ကြသည်။

Credit-News Watch