ထိုင်းနှင့်တရုတ်မှ လူဦးရေငါးထောင်ကျော် မကွေးတိုင်းအတွင်း ပြန်ဝင်လာ

ထိုင်းနိုင်ငံနှင့် တရုတ်နိုင်ငံတို့မှတစ်ဆင့် မကွေးတိုင်းဒေသကြီးအတွင်းသို့ ပြန်လည်ဝင်ရောက်လာသည့် လူဦးရေသည် ဧပြီ၂၆ရက်မှယနေ့အထိ ငါးထောင်ကျော်ရှိပြီး နောက်ထပ် လူဦးရေ(၃၀ဝ၀ဝ)ကျော်ပြန်လည်ဝင်ရောက်လာမည်ဖြစ်ကြောင်း မကွေးတိုင်းဒေသကြီး အစိုးရအဖွဲ့ထံမှ သိရသည်။တရုတ်နိုင်ငံနှင့်ထိုင်းနိုင်ငံသို့ သွားရောက်၍ အလုပ်လုပ်ကိုင်ကြသူများမှာ မြန်မာနိုင်ငံအတွင်း ပြန်လည်ဝင်ရောက်လာရန် ခန့်မှန်းစာရင်းအရ ၃၆၇၁၅ဦးစာရင်းရှိထားပြီး လက်ရှိတွင် မကွေးတိုင်းအတွင်း လူဦးရေ(၅၀၅၀)ဦးသာ ဝင်ရောက်သေးကာ ကျန်လူဦးရေ၃၁၆၆၅ဦးမှာ မကြာမီဝင်ရောက်လာမည်ဖြစ်သည်။

” မကွေးတိုင်းအတွင်း ထိုင်းနိုင်ငံကနေပြန်လည်ဝင်ရောက်ဖို့ စာရင်းအရ လူဦးရေ ၂၆၈၉၉ဦး စာရင်းရှိပြီး လက်ရှိပြန်လည်ဝင်ရောက်လာသူ ၇၂ဦးရှိပြီး ကျန်လူဦးရေ(၂၆၈၂၇)ဦးက ထိုင်းနိုင်ငံဘက်က မေလကုန်မှပဲ တရားဝင်ပြန်လွှတ်မယ်လို့ သတင်းရထားပါတယ်။၎င်းအပြင် တရုတ်နိုင်ငံကနေ ပြန်လည်ဝင်ရောက်ဖို့ စာရင်းအရ လူဦးရေ၉၈၁၆ဦး စာရင်းရှိပြီး လက်ရှိပြန်လည်ဝင်ရောက်လာသူ၄၉၇၈ဦးရှိခဲ့ပြီး ထပ်မံဝင်ရောက်ဖို့ ၄၈၃၈ဦးရှိကြောင်းကို စာရင်းအရ သိရပါတယ်”ဟု မကွေးတိုင်းဒေသကြီးအစိုးရအဖွဲ့ ဝန်ကြီးချုပ် ဒေါက်တာအောင်မိုးညိုက ပြောသည်။

မြ၀တီနယ်စပ်တွင် ပြည်တော်ပြန် ...
မကွေးတိုင်းဒေသကြီးအတွင်း လက်ရှိစောင့်ကြည့်ခံရသူ(၁၄၂၄၈)ဦးရှိပြီး စောင့်ကြည့်ရက်ပြည့်၍ Quarantine စင်တာများမှ ပြန်လည်စေလွှတ်ခဲ့သူ၁၉၀၂၁ဦးရှိပြီဖြစ်သည်။လက်ရှိ ဆေးရုံနှင့်စာသင်ကျောင်း/တက္ကသိုလ်များတွင် သံသယလူနာ၆ဦးရှိပြီး သံသယလူနာအဖြစ်စစ်ဆေးပြီး ရောဂါပိုးမတွေ့ရှိသဖြင့် ပြန်လည်စေလွှတ်ခဲ့သူ၃၁ဦးရှိသည်။မကွေးတိုင်းအတွင်း ရောဂါပိုးတွေ့ရှိခဲ့သူ၂ဦးရှိ၍ ပထမလူနာအမှတ်(၅၃)မှာမေ၃ရက်တွင် ဆေးရုံမှဆင်းခွင့်ရရှိခဲ့ကာ မြို့သစ်မြို့နယ်အထက(၁)ကျောင်းတွင် Facility Quarantine(၇)ရက်၊ နေအိမ်တွင် Home Quarantine (၇)ရက်စောင့်ကြည့်ခဲ့ပြီး မေ၁၇ရက်တွင် ကျန်းမာရေးကောင်းမွန်စွာဖြင့် ပြန်လည်စေလွှတ်ခဲ့သည်။

ပြည်တော်ပြန်များ Home Quarantine မနေပါက ...

လက်ရှိ မကွေးမြို့ သင်ကြားရေးဆေးရုံကြီးတွင် မလေးရှားနိုင်ငံမှပြန်လည်ဝင်ရောက်လာသူ လူနာအမှတ်(၁၈၉)တစ်ဦးသာ ရှိကြောင်း မကွေးတိုင်းဒေသကြီး ပြည်သူ့ကျန်းမာရေးဦးစီးဌာနမှ သိရသည်။”ထိုင်းနိုင်ငံမှပြန်လည်ဝင်ရောက်လာသူတွေအတွက် Quarantine ထားရှိဖို့ပြင်ဆင်ဆောင်ရွက်ထားပါတယ်။ Quarantine ဝင်တဲ့ သူတွေရဲ့ စားသောက်ရေးကို တိုင်းဒေသကြီးအစိုးရက တစ်ရက်ကိုတစ်ဦးလျှင် ၃၅၀ဝကျပ်နှုန်းနဲ့ထောက်ပံ့ပေးသွားမှာဖြစ်သလို ကျန်းမာရေးစောင့်ရှောက်မှုတွေပါ ဆောင်ရွက်ပေးသွားမှာဖြစ်ပါတယ်”ဟု မင်းဘူးမြို့ အထက(၁)ကျောင်းရှိ Quarantine စင်တာမှ အမှတ်(၄)ရပ်ကွက်အုပ်ချုပ်ရေးမှူးဦးစိန်သောင်းက ပြောသည်။