“ငါ့ကို တော်တော် အရှက် ခွဲတယ်၊ မင်းတို့ ညီအစ်ကို နှစ်ယောက် ငါ နဲ့လည်း ဘာမှမတော်ဘူး၊ ငါ့ အိမ်လာစရာလည်း မလိုဘူး “ လို့ကျော်ဟိန်း ပြောတာ ခံခဲ့ရဘူးတဲ့ သားညီ

သရုပ်ဆောင် ၊ ဒါရိုက်တာ တစ်ဦးဖြစ်တဲ့ သားညီကတော့ ကွယ်လွန်သွားရှာပြီဖြစ်တဲ့ သရုပ်ဆောင် ဒွေး ရဲ့ ညီအရင်းဖြစ်သလို ကွယ်လွန်သူ ဦးကျော်ဟိန်း ရဲ့ တူတော်စပ်သူလည်းဖြစ်ပါတယ်။သူ့အနေနဲ့ လက်ရှိအချိန်အထိ အနုပညာလောကထဲ ရပ်တည်နေနိုင်တာဟာ အကိုဖြစ်သူ နဲ့ ဦးလေးဖြစ်သူတို့ကြောင့်လို့လည်း သားညီကဆိုပါတယ်။

“ ဦးကျော်ဟိန်းက အနုပညာနဲ့ ပတ်သက်လာရင် တူတွေ၊ သားတွေ မရှိဘူး။ အရမ်းလည်း စည်းကမ်းကြီးတယ်။ ကျွန်တော်နဲ့လည်း မတည့်ဘူး ဘာကြောင့်လဲဆို ကိုယ်က ဘုကလန့်လေ။ အမှတ်တရလေးတစ်ခုရှိတယ် သူက နင်တဲ့ ငါ့ကိုကျေးဇူးမတင်ဘူးလားတဲ့၊ ငါက မင်းကို ဒီလောကထဲ ခေါ်လာတာလေ ဆိုတော့ သားရိုက်ချင်တယ်လို့ ပြောတာမှ မဟုတ်တာ ဦးကျော်ဘာသာ ဦးကျော် ခေါ်တာဆိုပြီး ပြန်ပြောခဲ့ဖူးတယ်။ ဒါပေမယ့် ချစ်တာတော့ အရမ်းချစ်ပါတယ်။အစ်ကို့ကြောင့်၊ ဦးကျော်ကြောင့် ဒီလောကထဲမှာ အခုချိန်ထိ ရပ်တည်နေနိုင်တာပါ” လို့ သူကဆိုပါတယ်။

အနုပညာအလုပ်တွေ စလုပ်ချိန်က ဒုတိယမြောက် ရုပ်ရှင်ဇာတ်ကားမှာ ဦးကျော်ဟိန်းနဲ့ အတူတွဲ သရုပ်ဆောင်ခဲ့ရတယ်လို့ ဆိုပါတယ်။ ငိုရတဲ့ ဇာတ်ဝင်ခန်းကို သရုပ်မဆောင် တတ်တဲ့ သူ့အတွက် ဦးကျော်ဟိန်းက ငိုတတ်အောင်သင်ပေးခဲ့ပုံကိုလည်း အခုလို ပြောပြလာခဲ့တာပါ။

“ ကျွန်တော် နဲ့ ဦးကျော်ရဲ့ အမှတ်တရ ဇာတ်ကားကသန်လျင်မှာရိုက်တုန်းကပေါ့။ ဇာတ်ဝင်ခန်းက ဘာလဲ ဆိုတော့ ဦးကျော်ဟိန်းကို ကလဲ့စားချေဖို့ဆိုပြီးတော့ အဖေနဲ့ အစ်မရဲ့ မြေပုံမှာ သစ္စာသွားဆိုတာ။ငိုတဲ့ ဇာတ်ဝင်ခန်းရိုက်တာပေါ့ အဲဒီမှာကိုယ်က ဒုတိယမြောက် ဇာတ်ကားဆိုတော့ ငိုလည်းမငို မျက်ရည်လည်း မကျတတ်ဆိုတော့ ဦးကျော်ဟိန်းက ကျွန်တော့်ကို မင်းတော်တော် ရှက်ဖို့ကောင်းတာပဲတဲ့။ ငါ့ကို တော်တော် အရှက်ခွဲတယ်၊ မင်းတို့ ညီအစ်ကို နှစ်ယောက် ငါနဲ့လည်း ဘာမှ မတော်ဘူး၊ ငါ့ အိမ်လာစရာလည်း မလိုဘူး၊ ငါ့ကို အရှက်ခွဲရက်တယ် ဆိုပြီးတော့ သူ စီးတဲ့ ဖိနပ်နဲ့ ကျွန်တော့် ပါးကိုရိုက်တယ်။ကျွန်တော်လည်း ရှိုက်ကြီးတငင်ငို၊ အဲဒီလူကြီးကိုသတ်မယ် ဆိုပြီးတော့ သချိုင်းမြေကိုလည်း လက်သီးတွေနဲ့ထိုး လက်တွေလည်းပေါက်ပြဲနေတာပဲ။ သူလိုချင်တဲ့ Mood လည်း ရလည်းရရော ကဒ် ဆိုပြီးဖြစ်ရော။ အဲဒီမှာ ကျွန်တော့် ပုခုံးကို လာဖက်ပြီး မင်းတော်သားပဲ ဘာညာနဲ့ပေါ့ ခုနက စိတ်ဆိုးထားတာက စိတ်ပဲ ဆက်ဆိုးရမလိုလို၊ဂုဏ်ပဲ ယူနေရမလိုလို” ဆိုပြီးတော့ သဘောကျရယ်မောရင်း ပြောပြလာပါတယ်။

ကိုသားညီကတော့ သူနဲ့ ဦးကျော်ဟိန်း အကိုဖြစ်သူဒွေးတို့နဲ့ အမှတ်တရတွေကို ပြန်ပြောင်းပြောပြထားခဲ့တာပဲဖြစ်ပါတယ်။ ယခုအချိန်မှာတော့ သားညီဟာ ဒါရိုက်တာအလုပ်ကိုဇောက်ချလုပ်ကိုင်ပြီး အကိုဖြစ်သူနဲ့ ဦးလေးဖြစ်သူရဲ့ ခြေရာကို နင်းနိုင်အောင် ကြိုးစားနေတယ်လို့ သိရပါတယ် ပရိသတ်ကြီးရေ….