အိန္ဒိယတပ်မတော်တွင် နှစ် ( ၃၀ ) ကြာ စစ်မှုထမ်းခဲ့သူ နိုင်ငံခြားသားအဖြစ် ကြေညာ၍ ဖမ်းဆီးခံရ

အိန္ဒိယနိုင်ငံ အရှေ့မြောက်ပိုင်း အာသံပြည်နယ်၌ နေထိုင်သူ အိန္ဒိယစစ်မှုထမ်းဟောင်းတစ်ဦးမှာ နိုင်ငံခြား သားဖြစ်ကြောင်း တရားခုံရုံးက ကြေညာပြီးနောက် သက်ဆိုင်ရာ အာဏာပိုင်များက ဖမ်းဆီးလိုက်သည်ဟု Al Jazeera က ယမန်နေ့ရေးသားသည်။

မိုဟာမက် ဆန်နားအူလာ အမည်ရှိသူမှာ အာသံပြည်နယ် ကန်ရပ်ခရိုင်တရားရုံးက နိုင်ငံခြားသား ဖြစ်ကြောင်း လွန်ခဲ့သည့် ဗုဒ္ဓဟူးနေ့တွင် ကြေညာပြီးနောက် ယခုကဲ့သို့ ဖမ်းဆီးခံရခြင်းဖြစ်သည်။အိန္ဒိယနိုင်ငံ အရှေ့မြောက်ပိုင်း အာသံပြည်နယ်သည် အိမ်နီးချင်း မြန်မာ၊ ဘင်္ဂလားဒက်ရ်ှနိုင်ငံတို့နှင့် ၀ိုင်းရံထိစပ်တည်ရှိပြီး နိုင်ငံအတွင်း အထောက်အထားမဲ့ ရွှေ့ပြောင်းဝင်ရောက်မှုများအား ကိုင်တွယ်ရန် ခုံရုံးပေါင်း ၁၀၀ ခန့် ဖွင့်လှစ်ထားရှိသည်။ ကျမ်းကျိန်လွှာတွင် အာသံပြည်နယ်၊ ကန်ရပ်ခရိုင်၊ ကလာဟီကက်ရ်ှရွာ၌ မွေးဖွားကြောင်း ဖော်ပြထားသည့် ဆန်နားအူလာသည် ၁၉၈၇ ခုနှစ်တွင် အိန္ဒိယ တပ်မတော်သို့ ၀င်ရောက်ခဲ့ပြီး စစ်မှုထမ်းကာလအတွင်း ပဋိ ပက္ခဖြစ်ပွားလျှက်ရှိသော ပိုင်ဆိုင်မှုအငြင်းပွား ကက်ရ်ှမီးယားဒေသ အိန္ဒိယထိန်းချုပ်နယ်မြေအပါအ၀င် အခြားဒေသတို့၌ တာဝန်ထမ်းဆောင်ခဲ့ကြောင်း ရေးသားထားသည်။

ဆန်နားအူလာသည် ၂၀၁၇ ခုနှစ်တွင် အိန္ဒိယတပ်မတော်မှ ဂုဏ်ထူးဆောင် ဗိုလ်ကြီးအဖြစ် အငြိမ်းစား ယူခဲ့ပြီး အိန္ဒိယနယ်ခြားရဲတပ်ဖွဲ့တွင် နိုင်ငံအတွင်း အထောက်အထားမဲ့ ရွှေ့ပြောင်းဝင်ရောက်သူများအား ထောက်လှမ်း ရသည့် တွဲဖက်အင်စပက်တာအဖြစ် တာဝန်ထမ်းဆောင်ကြောင်း ၄င်း၏ ဆွေမျိုးသားချင်းများ အဆိုအရ သိရှိရသည်။ဆန်နားအူလာသည် မွေးရာပါ အိန္ဒိယနိုင်ငံသားဖြစ်ကြောင်း အထောက်အထားပြသနိုင်ခြင်းမရှိသဖြင့် နိုင်ငံခြားသားဖြစ်ကြောင်း ခုံရုံးက ဆုံးဖြတ်ခဲ့ခြင်းဖြစ်သည်။ ဆန်နားအူလာကဲ့သို့ အဖြစ်မျိုးသည် အိန္ဒိယနိုင်ငံ တပ်မတော်နှင့် ရဲတပ်ဖွဲ့ဝင်များအတွင်း ပထမဆုံးအကြိမ် မဟုတ်ချေ။ လွန်ခဲ့သည့်နှစ်၌ အိန္ဒိယနိုင်ငံသည် နိုင်ငံအတွင်း တရားမ၀င် ၀င်ရောက်နေထိုင်သူ ၄ သန်းရှိကြောင်း ကြေညာခဲ့ပြီး ၄င်းတို့မှာ အိန္ဒိယ နိုင်ငံသားများမဟုတ်ကြောင်း သတင်းထုတ်ပြန်ခဲ့သည်။ ၄င်းတို့၏ အမည်စာရင်းကို လာမည့် ဇူလိုင်လတွင် ထုတ်ပြန်လိမ့်မည်ဟု မျှော်လင့်ရသည်။ ဆန်နားအူလာ၏ အမှုကို မျှတစွာစီရင်ရန် အာသံအာဏာပိုင် များအား အိန္ဒိယတရားလွှတ်တော်ချုပ်က ညွှန် ကြားထားပြီး ဇူလိုင် ၃၁ ရက်နေ့ အပြီးသတ် အမည်စာရင်းထုတ်ပြန်သည့်နေ့ မတိုင်မီ အလျှင်စလို စီရင်ချက် ချမှတ်ခြင်းမပြုရန် တိုက်တွန်းထားသည်။

Credit-အကုန်သိ