ရင်နာစရာတွေပဲ မြင်တွေ့နေရတာကြောင့် ပြည်သူတွေအတွက်ဆုတောင်းပေးရင်း သူမရဲ့ခံစားချက်လေးတွေကို မျှဝေခဲ့တဲ့ သဉ္ဇာနွယ်ဝင်း

ဗီဒီယိုဇာတ်ကားများ ကြော်ငြာများနဲ့အနုပညာလောကထဲစတင်ဝင်ရောက်လာခဲ့ပြီး ပရိသတ်အားပေးချစ်ခင်မှုရရှိတဲ့သူတစ်ဦးဖြစ်တဲ့ မင်းသမီးချော သဉ္ဇာနွယ်ဝင်းကိုပရိသတ်ကြီးသိကြမယ်ထင်ပါတယ်…..။ လက်ရှိဖြစ်ပေါ်နေတဲ့ မြန်မာနိုင်ငံရဲ့အခြေအနေတွေကြောင့် အနုပညာရှင်တွေလည်း တတ်နိုင်တဲ့ဘက်ကနေဝိုင်းဝန်းကူညီပေးကြကာ ပြည်သူနဲ့အတူတသားတည်းရပ်တည်နေကြတာကို တွေ့ရပါတယ်။

ရက်ပေါင်း (၄၀)ကျော်ကြာမြင့်နေပြီဖြစ်တဲ့လူထုလှုပ်ရှားမှုကြီးဟာဆိုရင် နေရာအနှံ့အပြားမှာဖြိုခွင်းမှုတွေနဲ့ ကြုံတွေ့နေကြရတာဖြစ်ပြီး ထိခိုက်ကျဆုံးသူဦးရေလည်း များပြားလာနေပြီဖြစ်ပါတယ်။ အခုလိုစိတ်မချမ်းမြေ့ဖွယ်ရာ အဖြစ်အပျက်တွေကြောင့် အနုပညာရှင်တွေလည်း တတ်နိုင်တဲ့ဘက်ကနေ လှူဒါန်းကူညီမှုတွေလုပ်ကြသလို ဆုတောင်းမေတ္တာပို့မှုတွေလည်း ပြုလုပ်ပေးနေကြတာပါ…..။

မကြာသေးမီကလည်း သဉ္ဇာနွယ်ဝင်းက သူမရဲ့ Facebookစာမျက်နှာမှာ “fb ကြည့်လိုက်ရင် စိတ်မကောင်းစရာ ရင်နာစရာတွေပဲမြင်နေရလို့ ဖုန်းကိုင်ဖို့တောင်အားမရှိတော့ဘူး။ နေ့ခင်းတွေမှာလမ်းပေါ်က ပြည်သူ ပြည်သားတွေကိုစိတ်ပူရပြီး ညဘက်တွေမှာလူတိုင်းကိုအေးအေးချမ်းချမ်းနဲ့အိပ်စက်အနားယူခွင့်လေးရဖို့ပဲဆုတောင်းမိပါတယ်။ အချိန်မတန်ခင် ကြွေလွင့်ရတဲ့လူတွေထပ်မရှိအောင် သမာဒေဝနတ်ကောင်းနတ်မြတ်တွေ ကြည့်ရှု့မစပေးကြပါ……” ဆိုပြီး ဆုတောင်းပေးကာ ခံစားချက်အချို့မျှဝေခဲ့တာဖြစ်ပါတယ်။ ပရိသတ်တွေအတွက် တစ်ဆင့်ပြန်လည်ဖော်ပြပေးလိုက်ပါတယ်……။